أعلن النادي الأهلي منذ عدة أسابيع عن التعاقد مع النجم البرازيلي برونو سافيو، قادمًا من صفوف فريق بوليفار البوليفي، لمدة 3 مواسم لتدعيم الخط الهجوم للمارد الأحمر بالموسم الجديد.

- مدحت شلبي يكشف فضيحة العمولات والسمسرة في صفقة سافيو للأهلي

وتحدث الإعلامي مدحت شلبي، عبر تصريحات له عبر برنامجه مساء أون تايم، على أن هناك سمسرة كبرى في إتمام صفقة سافيو مع الأهلي.

 
وأكد مدحت شلبي: "صفقة سافيو صفقة فيها كلام كتير الأهم في الموضوع بعيد عن إنه موقوف والكلام ده، لكن سافيو آخر 7 سنين لعب ف 16 نادي مختلف وفي أندية لعب فيها 3 أشهر وتم الإستغناء عنه".

وأضاف: "النادي البوليفي اللي الأهلي اشتري منه سافيو بـ30 مليون جنيه هما أساسا كأنهم وخدين سافيو ببلاش لأن النادي البرازيلي اللي كان بيلعب ف اللاعب طلعوا إعارة أكتر من 4 مرات وآخر ما زهق منه استغني عنه ببلاش، وبعد ما استغني عنه ببلاش راح وخده النادي البوليفي وبعدين النادي البوليفي باعه للأهلي بـ 30 مليون جنية وده أعلي عرض وصل في تاريخ اللاعب".

وأتم شلبي: "الناس مكنتش مصدقه لاعب وخدينه ببلاش كده فوق البيعه جايلوا عرض بمليون ونص دولار، صفقة غريبة وعجيبة لاعب كان بيلعب كل موسم في ناديين وحته وطول الفترة دي مفيش نادي دفع فيه أكتر من 250 ألف دولار أروح أنا أشتريه بمليون ونص دولار".