أخبار عاجلة

يسرا عن السوشيال ميديا: عيشنا في مجتمع مش نضيف.. وخلى ناس نجوم في 5 دقائق | فيديو

يسرا عن السوشيال ميديا: عيشنا في مجتمع مش نضيف.. وخلى ناس نجوم في 5 دقائق | فيديو
يسرا عن السوشيال ميديا: عيشنا في مجتمع مش نضيف.. وخلى ناس نجوم في 5 دقائق | فيديو
قالت الفنانة يسرا: "السوشيال ميديا بقت تخلينا نروح في حواديت دمها تقيل أوي وبيزودوها، واللي نفسه يشتم بيلاقي فرصة أنه يشتم".

وأضافت خلال لقائها ببرنامج "مساء دي إم سي" الذي يقدمه الإعلامي رامي رضوان بقناة "دي إم سي": "السوشيال ميديا بقت مستعملة بشكل خاطئ بدلًا ما تكون مصدرًا للمعلومة الصحيحة وندور على حاجة نلاقيها وتكون بتفيد المجتمع".

زمن السوشيال ميديا
وأكملت: "إحنا عايشين في مجتمع ومناخ عام كله مشكلات ومش نضيف في كل حتة في العالم حتى أمريكا، وزمان كانت الحياة ألذ وأنضف وأبسط، وإحنا النهاردة طول الوقت عاملين حساب الناس اللي حوالينا ومرقبانا وشخص ممكن يصورنا بشكل معين".

جانب سلبي من السوشيال ميديا
وأردفت: "فيه حاجات نشتريها يعني نحبها وفيه ناس بتدفع فلوس في السوشيال ميديا علشان تشتمنا ودي مبحبهاش وببقى عرفاها لأنها بتبقى واضحة زي الشمس ولحساب مين، وفيه ناس بقت نجوم من خلال السوشيال ميديا في 5 دقائق لكن تاريخهم الفني إيه وشقيوا قد إيه وتعبوا قد إيه وعاشوا الشغلانة إزاي مفيش".

موقف مع يوسف شاهين
وتابعت: "أنا كنت بدهن الحيطة مع يوسف شاهين في الإستوديو وأنا مبسوطة وفرحانة أني هعمل مشهد حلو لأن الخلفية هتعمل شكل حلو وده مش موجود دلوقتي، والسوشيال ميديا أعطت فرص لناس لا تستحقها، والناس بتستعملها غلط وبتدفع الثمن".

ملحوظة: مضمون هذا الخبر تم كتابته بواسطة بوابة فيتو ولا يعبر عن وجهة نظر منقول وانما تم نقله بمحتواه كما هو من بوابة فيتو ونحن غير مسئولين عن محتوى الخبر والعهدة علي المصدر السابق ذكرة.

السابق قصور الثقافة تحتفل بعيد الأضحى بالطور العاصمة
التالى قصور الثقافة تواصل تقديم الفن الشعبي بصيف إسكندرية