ووجه "زاهر"، رسالة لزوجته، حيث قال: "(تملي معاك) دي الأغنية اللي حبينا بعض عليها، تخيلي بعد كل السنين دي لسه بقولهالك وهافضل اقولهالك لآخر العمر كل سنة وأنتي طيبة يا احلي دودو في الدنيا وعقبال مليون سنه".
وتابع: "النهارده اجمل يوم لان اتولدت فيه اجمل انسانه في الوجود هديه ربنا ليا ربنا يخليكي ليا يا اجمل حبيبه و زوجه و صديقه و شريكه عمري و شريكه نجاحي و كل حاجه ليا في الدنيا بحبك".
من ناحية أخري كان زاهر شارك جمهوره عبر حسابه الرسمي على موقع تبادل الصور والفيديوهات «إنستجرام»، عدد من الصور التي تجمعه بابنتيه ليلى وملك، من حفل تخرجهما المدرسي.
وحرص الفنان أحمد زاهر، على التقاط عدد من الصور السيلفي والفوتوغرافية مع بناته صديقاتهم، وهن يرتدين «روب التخرج» والقبعة، وكانت تشاركهم أيضا زوجته هدى.
وعلق «زاهر» على تخرج ابنتيه، قائلًا:«بناتي اتخرجوا، حالة غريبة أول مرة أحس بيها مشاعر كتير متلخبطة فرح وسعادة وفخر وخوف على بكرة ودموع مهو إحنا المصريين نفرح أو نحزن لازم نبكي مش عارف ليه، أحاسيس كتيرة ومع بعض مرة واحدة بس بجد كنت طاير من الفرح».
وتابع: « الحمدلله والشكر لله على كل السعادة اللي كنت فيها الحمدلله على تخرج ملك وليلى وعقبال منى ونور وربنا يفرحكم كلكم بولادكم، ملك وليلى بحبكم أوي وفخور بيكم قد الدنيا كلها».
ملحوظة: مضمون هذا الخبر تم كتابته بواسطة بوابة فيتو ولا يعبر عن وجهة نظر منقول وانما تم نقله بمحتواه كما هو من بوابة فيتو ونحن غير مسئولين عن محتوى الخبر والعهدة علي المصدر السابق ذكرة.
