كشف المطرب اللبناني رامي عياش، كواليس أغنية "بحب الناس الرايقة" مع الفنان الشعبي أحمد عدوية.
 

لحن موال الناس الرايقة

أحمد عدوية، وقال رامي عياش خلال الجزء الثاني من لقائه ببرنامج "أنغام" الذي تقدمه الفنانة أنغام بقناة "دي ام سي":"قعدت 15 سنة فاكر إن أحمد عدوية مش بيغني ومبتعد عن الساحة الغنائية، وبعدين لما الملحن محمد يحيى سمعني لحن الأغنية كنوع من إفيه علشان يضحكني مش اكتر قلت له هي دي اللى عايز أغنيها، فقال لي انت بتهرج دي مش هتليق لصوتك وبعدين دي مش أغنية ده موال، فقلت له أنا هغني الموال".

فكرة أغنية الناس الرايقة

وتابع:"في نفس الليلة اللى سمعت فيها الموال قلت للملحن محمد يحيى أنا عايز أغنيها مع الفنان أحمد عدوية، والفكرة جاتلي بعد لما سمعت اللحن".

إقناع أحمد عدوية

وأكمل:"هاني محروس كان موجود معانا وقال لي إنه هيكلم أحمد عدوية بس أخبرني إنه مش بيغني إلا مع ابنه محمد، فقلت له اعتبرني زي ابنه وفعلا مفيش أسبوعين سجلنا الأغنية وبعدين أسبوعين صورناها ونزلت".

وقال المطرب اللبناني رامي عياش خلال نفس اللقاء:"صوتي الحلو من أمي اللى كان صوتها حلو وكانت بتغني في البيت لأم كلثوم".
 

غناء والدة رامي عياش

وتابع:"أمي كانت تغني وانا صغير في عمر 4 سنين وتقولي غني ورايا وهي بتطبخ في المطبخ".
 

طفولة رامي عياش مع حرب لبنان

ولفت:"اتعلمت الفن خلال طفولتي من حرب لبنان، ومكنش عندي حلم الغناء او اكون مطرب بقدر إني أرضى أمي، ولكن لما دخلت استوديو الفن من وقتها ابص لفكرة الشهرة وإظهار صوتي وموهبتي".
 

تضحيات حرب لبنان

وأشار:"انا في الاصل بلعب عود وبيانو، واتعلمت من عمر 9 سنين لما ابويا كان بينزلني وقت الحرب وياخدني علشان يعلمني العود ويرجعني البيت، وكان فيه تضحية كبيرة ولكن احنا اتأقلمنا علي الحرب بطريقة خاصة، ولو حصلت حرب دلوقتي اللبنانيين قادرين يعيشوا مع ظروفها بحب الفن".