أعرب الفنان محمد الشرنوبي، عن سعادته بردود الفعل التي تلقاها عن مسلسل إيجار قديم، الذي يشارك به ويُعرض على شاشة قناة on، قال الشرنوبي في تصريحات صحفية: "ردود الفعل كانت حلوة أوي ومُحمسة خصوصا إننا لسه بنصور، وأدتنا طاقة كويسة ومرضية جدًا واللي جاي كل حلقة بتبقى أحسن من اللي قبلها".

الشرنوبي: طارق شخصية مضغوطة زي كل شباب الجيل ده

وأضاف الشرنوبي: "طارق شخصية مضغوطة زي كل شباب الجيل ده، وكله مضغوط وحاسس إن الدنيا جاية عليه وكله حاسس إن أهله جايين عليه ومحدش بيساعده، الظروف اللي عشناها في آخر 12 سنة من وقت 2011 كانت ضغط كبير، وبالذات الناس اللي بتتجوز ومش عارفة توفر متطلبات أهل العرايس وضغط الشغل".

وأوضح الشرنوبي: "اتعرضت لضغوط زي دي كتير، اتعاملت مع المواقف دي بالمواجهة أحسن طريقة إننا نقابل بيها الضغط اللي بنتعرضله، ونقول تمام وهتعدي وكل حاجة وحشة هتعدي".

الشرنوبي: مخوفتش من رد فعل الناس على تقديم الأغاني الكلاسيكية القديمة

واختتم محمد الشرنوبي: "مفيش حاجة متشابهة بيني وبين شخصية طارق بالمسلسل، غير إننا بنحب الغنا، واختيارات الأغاني الكلاسيكية ما بيني وبين كريم أبو ذكري وعمرو الدالي وطارق رفعت وبنتكلم وبنوصل لها، مخوفتش من رد فعل الناس على تقديم الأغاني الكلاسيكية القديمة ود يمش أول مرة أعملها، وعملتها في مسلسل لا تطفئ الشمس وغنيت أغنية أنا لحبيبي، وقدمت أغاني كتير في برنامج صاحبة السعادة".

أحدث أعمال محمد الشرنوبي

ومن ناحية أخري، ينتظر محمد الشرنوبي، طرح فيلم أنا لحبيبي الذي يلعب بطولته مع الفنانة ياسمين رئيس وكريم فهمي، وانتهى من تصويره منذ عامين، بالإضافة إلى طرح فيلم بضع ساعات في يوم ما مع الفنانة مي عمر وهنا الزاهد، وذلك خلال الفترة المقبلة.

آخر أعمال محمد الشرنوبي

والجدير بالذكر ان ٱخر أعمال محمد الشرنوبي هو مسلسل " فاتن امل حربي" الذي عرض في رمضان الماضي، يتناول المسلسل مجموعة من القضايا الأسرية الهامة مثل الطلاق وحضانة الأولاد، وحقوق الزوجة، وعلى الرغم من نجاح المسلسل إلا أنه تعرض لانتقادات كثيرة بسبب بعض الأمور الدينية والقانونية أيضٱ.

كما شارك في فيلم " فرق خبرة" وهو من بطولة عدد من النجوم من أبرزهم الفنانة الراحلة دلال عبد العزيز، هدى المفتي، سينتيا خليفة، محمود البزاوي، طه الدسوقي وآخرين، والعمل من تأليف وإخراج شريف نجيب.