الارشيف / فن / الفجر

أول ظهور لمشيرة إسماعيل في مهرجان القاهرة للدراما

  • 1/2
  • 2/2

بعد غياب عدة أعوام عن الساحة الفنية، طلت الفنانة مشيرة إسماعيل على السجادة الحمراء أمس في مهرجان القاهرة للدراما في دورته الأولى بمركز المنارة بالتجمع الخامس.

إطلالة مشيرة إسماعيل

وظهرت مشيرة إسماعيل بملامح رقيقة مرتدية حجاب من اللون الأبيض وبدلة سوداء معتمدة على ميكياج خفيف مما لفت انتباه متابعيها.

أبرز الحضور 

حرص كلًا من الفنانة فادية عبد الغني والفنانة داليا البحيري والفنانة سميحة أيوب على الحضور في الدورة الأولى من مهرجان القاهرة للدراما أو (دورة الزيرو) كما أطلق عليها رئيس التنفيذي للمهرجان الفنان يحيي الفخراني وأدلى كل منهم بتصريحات تخص المهرجان.

 

فادية عبد الغني 

تحدثت فادية عبد الغني عن المهرجان وقالت: "سعيدة جدا النهاردة.. لأن بقالنا سنين مبنعملش مهرجان للتلفزيون، ودي خطوة رائعة من نقابة المهن التمثيلية إنها تعيد أمجاد الدراما من خلال مهرجان.. أتمنى إنه يبقى تقليد سنوي، لأن تقييم الأعمال بيعمل للقائمين على العملية الفنية دفعة إن في تقدير".

 

 

تحدثت فادية عبد الغني عن مسلسل فاتن أمل حربي وقالت: "فكرة مسلسل "فاتن أمل حربي" هي اللي شدتني، إن إحنا ننصف المرأة المصرية وتبقى حقوقها محفوظة لأن هي الأم اللي بتربي واللي بتطلع أجيال ولازم تبقى متدلعة ومتهننة.. والمسلسل كان بيناقش قضايا كتير أن المحاكم بتفضل مدة كبيرة عشان تحكم، والأب لازم يتدلع برضو عشان منبقاش متحيزين.

سميحة أيوب

 

تحدثت سميحة أيوب عن المهرجان وقالت: "مكنتش أتخيل إن مهرجان القاهرة للدراما هيكون بالعظمة دي، مهما كنت أتخيل مكنش هيبقى الواقع ده، سعيدة إن النقابة عاملاه وإن المتحدة محتضناه.. الدراما كانت غلبانة ملهاش أب، دلوقتي لاقينالها أب وتابعت: "المسرحية اللي كنت خايفة وتعبت فيها هي « فيدرا » وخوفت لما روحنا عرضنا في باريس، فرقة مسرحية بتاعت الدولة رايحة باريس وبتعمل مسرحية لـ « راسين »، وراسين ده من كلاسيكيات فرنسا، يعني إحنا في عقر دارهم وبنعمل شغلهم، وأي فرقة كانت بتروح باريس بتعرض يوم أو يومين وبعدين جالنا جوابات نقد ذاتي واللغة العربية دي عاملة زي الأوبرا".

 

 

تحدثت داليا عن الفنانين وقالت: "الفنان بيتعب وبيمر بظروف قاسية، أوقات بيكون بيمر بظروف شخصية لكنه بينزل يصور عشان خاطر الناس وعشان يسعد الجمهور، عشان كده بنسعد بأي تكريم وأي طبطبة على الكتف"

ملحوظة: مضمون هذا الخبر تم كتابته بواسطة الفجر ولا يعبر عن وجهة نظر منقول وانما تم نقله بمحتواه كما هو من الفجر ونحن غير مسئولين عن محتوى الخبر والعهدة علي المصدر السابق ذكرة.

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا